Սպասվում է կարճատև անձրև, հնարավոր է ամպրոպ, որի ընթացքում՝ քամու ուժգնացում

Երևանում ապրիլի 13-ին, 14-ի գիշերը, 16-17-ին սպասվում է առանց տեղումների եղանակ։ Ապրիլի 14-ի ցերեկը, 15-ին սպասվում է կարճատև անձրև, հնարավոր է նաև ամպրոպ։

Մարզերում ապրիլի 13-ին, 16-17-ին սպասվում է առանց տեղումների եղանակ։ Ապրիլի 14-ին, 15-ի գիշերը շրջանների զգալի մասում, 15-ի ցերեկն առանձին շրջաններում ժամանակ առ ժամանակ սպասվում է կարճատև անձրև, հնարավոր է նաև ամպրոպ։ Քամին՝ հյուսիսարևմտյան 2-4մ/վ, ամպրոպների ժամանակ սպասվում է քամու ուժգնացում 16-20մ/վ:

Օդի ջերմաստիճանն ապրիլի 13-ի ցերեկը կբարձրանա 5-7, 14-ի ցերեկը կնվազի 4-5 աստիճանով։