Իրանի դեսպանատունը պայթեցնել սպառնացող տղամարդը հոգեկան խանգարումներ է ունեցել

Տղամարդը, ով սպառնացել է պայթյուն իրականացնել Ֆրանսիայի մայրաքաղաքում Իրանի դեսպանատան հյուպատոսական բաժնում, հոգեկան խնդիրներ է ունեցել։ Այս մասին Tasnim գործակալությանը հայտնել են Փարիզում իսլամական պետության դիվանագիտական առաքելությունից։

Դեսպանության տեղեկություներով՝ ներխուժած անձը Ֆրանսիայում մշտական բնակություն հաստատած իրանցի է։ Տղամարդը տառապել է հոգեկան հիվանդություններով և միայն ձևացնում էր, թե իր մոտ պայթուցիկ ունի։ Բանակցություններից հետո նա ինքնակամ լքել է հյուպատոսության շենքը, ինչից հետո նրան ձերբակալել են ֆրանսիացի օրինապահները։