Արեգակի ակտիվության պատճառով Երկրի վրա կարող են ավելանալ ուժգին փոթորիկները՝ զգուշացնում են մասնագետները

2024 թվականի մայիսին Երկրին հարվածած արևային փոթորիկը կարող է փոթորիկների ալիք առաջացնել, նախազգուշացրել են գիտնականները։ Նրանք վերլուծել են վերջին 5500 տարվա արևադարձային ցիկլոնների վիճակագրությունը և պարզել, որ որոշակի ժամանակահատվածներում դրանց հաճախականությունը մեծացել է 40%-ով։ Այդ ժամանակաշրջանները մեկ ընդհանրությւոն են ունեցել՝ Արեգակը եղել է խիստ ակտիվ:

Ֆլորիդայի պետական համալսարանի գիտնականների ուսումնասիրությունները ցույց են տվել, որ ցիկլոնների ակտիվության պոռթկումները դիտվել են 1410-820 տարի առաջ և 20-րդ դարի կեսերից մինչ օրս: Գիտնականները նաև զգալի կապ են գտել արևադարձային ցիկլոնների ակտիվության և արևի բարձր ճառագայթման միջև:

Գիտնականների կարծիքով՝ ավելի ակտիվ Արեգակն ավելի շատ էներգիա է ուղարկում Երկիր, որը տաքացնում է օվկիանոսները և «վառելիք է ապահովում» արևադարձային փոթորիկների համար: Արևը ներկայումս նոր առավելագույնի հասնելու ճանապարհին է: Մայիսին մոլորակի վրա հինգ սանդղակով G4 հզորությամբ մագնիսական փոթորիկ է գրանցվել։ Փորձագետներն այն գնահատել են որպես «ուժեղ»։