ՏԵՍԱՆՅՈՒԹ․ Ուկրաինական հարձակումից հետո խոշոր հրդեհ է ՌԴ էներգետիկայի համար մասեր արտադրող գործարանում

Ուկրաինական դրոնը պայթուցիկ է նետել Կուրսկի մարզի գործարանի վրա, արտադրամասերից մեկում հրդեհ է բռնկվել: Այս մասին թելեգրամ-ալիքում հայտնել է շրջանի նահանգապետի ժամանակավոր պաշտոնակատար Ալեքսեյ Սմիրնովը։

Նրա խոսքով՝ ձեռնարկության աշխատակիցներից ոչ ոք չի տուժել։ Սակայն տեխնոլոգիական արտադրամասերից մեկում հրդեհ է բռնկվել, այն մարում են երկու շրջանների հրշեջ հաշվարկները, հավելել է տարածաշրջանի ղեկավարը:

Կուրսկի շրջանը պարբերաբար գնդակոծվում է Ուկրաինայի կողմից։ Այսպես, հուլիսի 11-ին Տետկինո Ավանում ուկրաինացի զինվորականների հարձակման հետևանքով վնասվել էին շաքարի գործարանի տարածքում գտնվող տեխնիկական շինությունները։

Հուլիսի 14-ին ռուս զինվորականները տարածաշրջանի վրա որսացել և ոչնչացրել են 15 ուկրաինական անօդաչու թռչող սարք։