Մեդվեդևը Փարիզում Օլիմպիադայի բացման արարողությունը «խղճուկ տեսարան» է անվանել

Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը «խղճուկ տեսարան» է անվանել Փարիզում ամառային Օլիմպիական խաղերի բացման արարողությունը: Այս մասին տեղեկացնում Է ՏԱՍՍ-ը։

«Փարիզի Օլիմպիական խաղերի մասին չեմ էլ ուզում ոչինչ ասել՝ խղճուկ տեսարան է։ Հիշեք Սոչիի Օլիմպիական խաղերը կամ ֆուտբոլի աշխարհի առաջնությունը, որոնք փայլուն կերպով անցկացվեցին մեր երկրում», - ասել Է Մեդվեդեւը։

Ինչպես ավելի վաղ հաղորդվել էր այս շաբաթ, Ռուսաստանի արտաքին քաղաքական գերատեսչության մամուլի քարտուղար Մարիա Զախարովան նշել է, որ Ֆրանսիայի մայրաքաղաքում մրցումների բացումն անցել է «լայնածավալ ձախողմամբ»: