ՏԵՍԱՆՅՈՒԹ. Ինչ պետք է իմանալ Հայաստան մուտք գործելիս

ԵԱՏՄ մաքսային սահմանով անձնական օգտագործման ապրանքներ տեղափոխելիս կիրառվում է մաքսային հսկողության իրականացման երկուղի համակարգ։ Այս մասին տեղեկացնում է ՊԵԿ-ը:

««Կանաչ» ուղին կարելի է ընտրել, եթե մաքսային սահմանով ուղեկցվող ուղեբեռում տեղափոխվում են անձնական օգտագործման այնպիսի ապրանքներ, որոնք ենթակա չեն մաքսային հայտարարագրման:

«Կարմիր» ուղին պետք է ընտրել, եթե Ձեր ուղեկցող ուղեբեռում առկա են այնպիսի ապրանքներ, որոնք ենթակա են մաքսային հայտարարագրման, ինչպես նաև եթե համոզված չեք, որ Ձեր կողմից տեղափոխվող ապրանքները ենթակա չեն հայտարարագրման»,- ասված է հաղորդագրության մեջ։