«Կրեստի» նախկին բանտը կդառնա հյուրանոցային համալիր

«Կրեստի» (Кресты) քննչական մեկուսարանի շենքերի պատմական համալիրը, որը գտնվում է Սանկտ Պետերբուրգի կենտրոնում, աճուրդով գնել է շինարարական հոլդինգներից մեկը 1,136 մլրդ ռուբլով (12,8 մլն դոլար): Այս մասին հայտնում է  ՏԱՍՍ-ը:

«Նոր սեփականատերը նախատեսում է բանտի փոխարեն կառուցել  թանգարան, որը պահպանում է տեղանքի հիշողությունն ու պատմությունը, հյուրանոցային համալիր, ռեստորաններ, պատկերասրահներ և հանրային տարածքներ»,-ասվում է ընկերության մամուլի հաղորդագրության մեջ։

Տարբեր ժամանակներում Օսիպ Մանդելշտամը, Նիկոլայ Գումիլյովը, Նիկոլայ Զաբոլոցկին, Յոզեֆ Բրոդսկին, Լեոն Տրոցկին, Անատոլի Լունաչարսկին, Ալեքսանդր Կերենսկին և Կոնստանտին Ռոկոսովսկին կալանքի տակ էին գտնվում «Կրեստիում»։