Թրամփի գործողությունները տագնապալի ազդանշան ունեն․ Թուրքիայի ԱԳՆ

Թուրքիայի ԱԳՆ նախարար Հաքան Ֆիդանը այցելել է Լոնդոն, որտեղ եվրոպացի գործընկերների հետ քննարկել է նրանց արձագանքը Ուկրաինայի վերաբերյալ, ինչպես նաև խոսել ռուս-ուկրաինական հնարավոր զինադադարի ու Թրամփի փորձերի մասին։

«Նույնիսկ եթե նախագահ Թրամփը որոշի  դուրս չգալ Եվրոպայից, միանգամայն հնարավոր է, որ ապագայում նմանատիպ տեսակետներ և քաղաքական գաղափարներ ունեցող մեկը կարող է դիտարկել եվրոպական անվտանգության մեջ Ամերիկայի ներդրման կրճատման հնարավորությունը»,- ասել է նա։

Ֆիդանի խոսքով՝ ԱՄՆ նախագահի գործողությունները տագնապալի ազդանշան ունեն բոլորի համար և հավելել, որ Թուրքիան կցանկանար դառնալ եվրոպական անվտանգության ցանկացած նոր ճարտարապետության մաս, եթե ՆԱՏՕ-ն փլուզվի: