Արթուր Դավթյանը Թուրքիայում նվաճեց ոսկե մեդալ

Թուրքիայի Անթալիա քաղաքում անցկացվող սպորտային մարմնամարզության աշխարհի գավաթի խաղարկության երրորդ փուլի մրցաշարում Օլիմպիական խաղերի արծաթե եւ բրոնզե մեդալակիր, աշխարհի չեմպիոն, Եվրոպայի կրկնակի չեմպիոն Արթուր Դավթյանը հենացատկում նվաճեց հաղթողի կոչումը։

Որակավորման փուլում նա նույնպես գրավել էր առաջին տեղը։

Օղակների վարժության եզրափակիչում Եվրոպայի կրկնակի փոխչեմպիոն, աշխարհի գավաթակիր Վահագն Դավթյանը գրավել է 7-րդ տեղը։

Փետրվարին Գերմանիայի Կոտբուս քաղաքում անցկացված աշխարհի գավաթի խաղարկության առաջին փուլի մրցաշարում Արթուր Դավթյանը նույնպես դարձել էր ոսկե մեդալակիր հենացատկում։ Վահագն Դավթյանը ոսկե մեդալ էր նվաճել օղակների վարժությունում։