Քանի անձ է ծխելու համար պատասխանատվության ենթարկվել

Այս տարվա առաջին եռամսյակի ընթացքում հանրային վայրերում ծխելու համար պատասխանատվության է ենթարկվել 897 անձ: Այս մասին Radar Armenia-ի հարցմանն ի պատասխան տեղեկացրել են ՆԳՆ-ից։

Պատասխանատվության ենթարկվածներից 865-ը ֆիզիկական անձինք են, 32-ը՝ հանրային սննդի օբյեկտների պատասխանատուներ և տնտեսվարող սուբյեկտների ներկայացուցիչներ։

ՆԳՆ-ից նաև նշել են, որ 2023թ․ ընթացքում այս արարքի համար, ընդհանուր առմամբ, պատասխանատվության է ենթարկվել 8214 հոգի, որից 7838-ը՝ ֆիզիկական, 376-ը՝ պաշտոնատար անձ:

2024թ․ ընթացքում, ընդհանուր առմամբ, սույն հոդվածով պատասխանատվության է ենթարկվել 4161 անձ, որից 3963-ը՝ ֆիզիկական, իսկ 198-ը՝ պաշտոնատար: