Ես կյաժ չեմ, սպիտակ եմ. Անդրանիկ Քոչարյան

ԱԺ ՔՊ խմբակցության պատգամավոր Անդրանիկ Քոչարյանը ելույթ է ունեցել իր վերաբերյալ պատգամավորական էթիկայի հարցերով հանձնաժողով ստեղծելու նախագծի քննարկման ժամանակ։

«Ես կյաժ չեմ, սպիտակ եմ, և սպիտակելն անցած ճանապարհն է»,- ասել է Քոչարյանը։

Նա հարցրել է՝ ի՞նչ են հասկացել իր՝ լրագրողին ասած «շուրթերդ մաքրիր» խոսքերից։ Նա նշել է, որ ավելի կոշտ խոսք ասել էր Բագրատ արքեպիսկոպոս Գալստանյանը։ Նույնն արել է նաև ինքը՝ մեկնաբանելով լրագրողի խոսքերը։

Քոչարյանը վստահեցրել է, որ ինքը լրագրողներին ճնշող չէ. «Ճնշվածները ինչու՞ են մյուս օրը գալիս՝ ինձնից հարցազրույց վերցնելու, թող ճնշված մնային, բոյկոտեին․ ինչու՞ չեք անում»։