Հնարավորություն ունենք համաձայնության հասնելու. Թրամփ

Միացյալ Նահանգներն ու Իրանը մոտ են իրանական միջուկային ծրագրի վերաբերյալ համաձայնության հասնելուն։ Այս մասին հայտարարել է ԱՄՆ նախագահ Դոնալդ Թրամփը:

«Կարծում եմ՝ մենք հնարավորություն ունենք համաձայնության հասնելու Իրանի հետ։ Նրանք չեն ուզում ռմբակոծվել, նրանք կնախընտրեին համաձայնագիր կնքել։ Կարծում եմ՝ դա կարող է տեղի ունենալ ոչ այնքան հեռավոր ապագայում, և դա հիանալի բան կլինի, եթե մենք կարողանանք համաձայնության հասնել առանց ամբողջ Մերձավոր Արևելքը ռմբակոծելու։

Մենք ուզում ենք, որ նրանք անվտանգ լինեն, մենք ուզում ենք, որ նրանք ունենան հաջողակ երկիր, բայց նրանք չեն կարող միջուկային զենք ունենալ։ Այնքան պարզ է։ Կարծում եմ՝ մենք բավականին մոտ ենք Իրանի հետ համաձայնագրի կնքմանը»,- ասել է Թրամփը: