Իրանում առգրավվել են մաքսանենգ վառելիք տեղափոխող արտասահմանյան տանկեր

Իրանի սահմանապահները կանգնեցրել են ավելի քան 2 միլիոն լիտր դիզելային վառելիք տեղափոխող օտարերկրյա տանկեր, հաղորդում է իրանական Mehr լրատվական գործակալությունը։

Նշվում է, որ  բեռը մաքսանենգ է։ Ձերբակալվել են կասկածյալ մաքսանենգներ՝ 17 օտարերկրյա քաղաքացիներ։

Գործակալության տվյալներով՝ «Ֆենիքս» անունով նավը առգրավվել է Հորմոզգան նահանգի ափերի մոտ։ 

Լրատվամիջոցների գնահատականներով՝ առգրավված վառելիքի արժեքը կազմում է 759 միլիարդ ռիալ (ավելի քան 18 միլիոն դոլար):