Կիևին ուկրաինացի քաղաքացիներ պետք չեն՝ ո՛չ կենդանի, ո՛չ մահացած․ Զախարովա

Ռուսաստանի արտաքին գործերի նախարարության խոսնակ Մարիա Զախարովան հայտարարել է, որ Վլադիմիր Զելենսկին չի պայքարում Ռուսաստանի դեմ, նա պայքարում է ուկրաինացի ժողովրդի դեմ՝ նրանց «ոչնչացնելու» համար:

«Զելենսկին չի պայքարում Ռուսաստանի դեմ։ Զելենսկին պայքարում է ուկրաինացի ժողովրդի դեմ։ Եվ նրա առաքելությունն, որը նրա համար ինչ-որ մեկը գրել է, ուկրաինացի ժողովրդին ոչնչացնելն է, նրանց ոչնչացնել ազգայնականության դրոշների ներքո, ինչ-որ ազգային ինքնության դրոշների ներքո», - ընդգծել է նա։

Դիվանագետը ուշադրություն հրավիրեց Կիևի լռության վրա փոխանակման շրջանակներում հազարավոր գերի ընկած ուկրաինացի զինվորների ընդունման հարցի վերաբերյալ։

«Կիևին ուկրաինացի քաղաքացիներ պետք չեն՝ ո՛չ կենդանի, ո՛չ մահացած»,- ասել է դիվանագետը։

Ավելի վաղ Ռուսաստանի նախագահի օգնական և ուկրաինական կողմի հետ բանակցություններում ռուսական պատվիրակության ղեկավար Վլադիմիր Մեդինսկին հայտնել էր, որ Կիևը հրաժարվել է Մոսկվայի հետ փոխանակման շրջանակներում գերի վերցված 1000 ուկրաինացի զինվորներից, այդ պատճառով փոխանակման երկրորդ փուլը դժվար էր, իսկ երրորդը դեռ չի սկսվել։