Լոնդոնից Պեկին թռչող ինքնաթիռն արտակարգ վայրէջք է կատարել Ռուսաստանում․ ուղևորները մնացել են ինքնաթիռում

Լոնդոնից Պեկին թռչող և Նիժնևարտովսկում վայրէջք կատարող Air China ավիաընկերության ինքնաթիռի ուղևորները դեռևս գտնվում են ինքնաթիռում։ Այս մասին «Ռիա  Նովոստի»-ին հայտնել են իրավապահ մարմինները։

Ռոսավիացիայի տվյալներով՝ Air China-ի Boeing 777-300 ինքնաթիռի անձնակազմը որոշել է վայրէջք կատարել Ռուսաստանի այլընտրանքային օդանավակայանում՝ Լոնդոն - Պեկին չվերթն իրականացնելիս։ Նախնական պատճառը շարժիչներից մեկի անսարքությունն է։ Անձնակազմը շտապ ազդանշան է տվել և խնդրել վայրէջք կատարել։

Հետագա տեղափոխման համար Air China-ն որոշել է Նիժնևարտովսկ ուղարկել պահեստային ինքնաթիռ։ Այն, ինչպես սպասվում է, կժամանի Մոսկվայի ժամանակով ժամը 14:00-ին և կմեկնի Պեկին ժամը 18:00-ին։ Ինքնաթիռում եղել է 265 մարդ՝ անձնակազմի 15 անդամ և 250 ուղևոր։