Քոբուլեթիում հայ երիտասարդ է ջրահեղձ եղել

Քոբուլեթիում ծովում երիտասարդ տղամարդու մարմին է հայտնաբերվել: Տեղեկությունը հաստատել է Վրաստանի Արտակարգ իրավիճակների կառավարման ծառայության ղեկավարը։

Ավելի վաղ տեղեկատվություն էր տարածվել, որ սկզբում ծով են մտել 2 երիտասարդ, մեկին հաջողվել է դուրս գալ ջրից, իսկ փրկարարները փնտրում են մյուսին։ Վրաստանից հայտնել են, երիտասարդները օտարերկրացիներ են։

Hayastan.news-ի տեղեկություններով՝ ջրահեղձ եղած երիտասարդը, Հայաստանի  քաղաքացի է, 22 տարեկան:

Այլ տվյալներ այս պահին հայտնի չեն: