Ոչ ոք հետաքրքրված չէ իրավիճակի հետագա վատթարացմամբ՝ ԱԷՄԳ-ն ռուս-ուկրաինական հակամարտության մասին

Զապորոժյեի ատոմակայանի արտաքին էլեկտրամատակարարման վերականգնման գործընթացը սկսվել է Ատոմային էներգիայի միջազգային գործակալության (ԱԷՄԳ) և Ռուսաստանի ու Ուկրաինայի իշխանությունների միջև շփումներից հետո: Այս մասին ասվում է միջազգային կազմակերպության հայտարարության մեջ:

«Արտաքին էլեկտրաէներգիայի վերականգնման գործընթացը մեկնարկել է երկու կողմերի հետ վերջին մի քանի շաբաթների ընթացքում հաճախակի շփումներից հետո՝ զինված հակամարտության ընթացքում վերջերս տեղի ունեցած էլեկտրաէներգիայի անջատման հետ կապված խնդիրը լուծելու համար», - նշվում է տեքստում։

Կառույցի գլխավոր տնօրեն Ռաֆայել Գրոսսիի խոսքով՝ «Ոչ ոք հետաքրքրված չէ իրավիճակի հետագա վատթարացմամբ»: