Քննարկվել են Հայաստանի զինված ուժերի նոր համազգեստի մշակմանն առնչվող հարցեր

ՀՀ պաշտպանության նախարար Սուրեն Պապիկյանը այսօր հանդիպել է ԱՄՆ պաշտպանական անվտանգության համագործակցության գործակալության տնօրեն Մայքլ Միլլերի հետ: Այս մասին հայտնում են ՀՀ ՊՆ–ից։

Քննարկվել են պաշտպանության ոլորտում Հայաստան-ԱՄՆ գործընկերության շրջանակում ՀՀ պաշտպանական բարեփոխումների աջակցության նպատակով իրականացվող ծրագրերին վերաբերող հարցեր:

«Վաշինգտոնում հանդիպել եմ զինվորական համազգեստի ձևավորման ու մշակման գործում մասնագիտացած ամերիկյան «Միլլիկեն» ընկերության ղեկավարության հետ»,- սոցցանցում գրել է պաշտպանության նախարար Սուրեն Պապիկյանը:

Քննարկվել են ՀՀ զինված ուժերի նոր համազգեստի մշակման գործընթացի ներկա փուլին առնչվող հարցեր: