Ռուսաստանի առաջարկը՝ Հայաստանին և Ադրբեջանին

Ռուսաստանի առաջարկը՝ Հայաստանի և Ադրբեջանի միջև խաղաղության համաձայնագրի ստորագրման վայր տրամադրելու վերաբերյալ, ուժի մեջ է մնում։ Այս մասին հայտարարել է Ռուսաստանի փոխարտգործնախարար Միխայիլ Գալուզինը։

Այնուամենայնիվ, նա նշել է, որ դեռևս լուրջ աշխատանք պետք է կատարվի խաղաղության համաձայնագրի իրականացման համար։

«Մենք պատրաստ ենք տրամադրել անհրաժեշտ ողջ օգնությունը Երևանին և Բաքվին մնացած տարաձայնությունները լուծելու համար՝ հաշվի առնելով Ռուսաստանի, Հայաստանի և Ադրբեջանի ղեկավարների եռակողմ հայտարարությունները», - ընդգծել է Ռուսաստանի փոխարտգործնախարարը։