Պուտինը հաստատել է պատերազմին մասնակցած օտարերկրյա քաղաքացիներին քաղաքացիություն տրամադրելու ժամանակավոր կարգը

Ռուսաստանի նախագահ Վլադիմիր Պուտինը հրամանագիր է ստորագրել հատուկ ռազմական գործողությանը մասնակցած օտարերկրացիներին Ռուսաստանի քաղաքացիություն տրամադրելու ժամանակավոր կարգի մասին։ Համապատասխան փաստաթուղթը հրապարակվել է իրավական ակտերի պաշտոնական պորտալում։

Հաստատվել է նաև օտարերկրացիների և քաղաքացիություն չունեցող անձանց որոշակի կատեգորիաներին բնակության թույլտվություններ տրամադրելու մասին կանոնակարգը։

18-ից 65 տարեկան օտարերկրացիները և քաղաքացիություն չունեցող անձինք այժմ իրավունք ունեն դիմել Ռուսաստանի քաղաքացիություն ստանալու համար՝ ներկայացնելով ՌԴ զինված ուժերում կամ Արտակարգ իրավիճակների նախարարության փրկարարական զորամասերում զինվորական ծառայությունից ազատվելու մասին որոշման քաղվածքը։