ՌԴ-ն կարող է սկսել միջուկային փորձարկումների նախապատրաստում

Ռուսաստանի պաշտպանության նախարար Անդրեյ Բելոուսովը առաջարկել է անհապաղ սկսել միջուկային փորձարկումների նախապատրաստական աշխատանքները։ Նրա խոսքով՝ Նոր Երկրում գտնվող հրաձգարանի տեխնիկական վիճակը թույլ է տալիս կարճ ժամկետներում անցկացնել նման փորձարկումներ։ Այս մասին Բելոուսովը հայտնել է ՌԴ նախագահի՝ Անվտանգության խորհրդի անդամների հետ խորհրդակցության ժամանակ։

Նախարարը նշել է, որ ԱՄՆ-ը հոկտեմբերին անցկացրած վարժանքների ընթացքում մշակել է կանխարգելիչ միջուկային հարված Ռուսաստանի ուղղությամբ և շարունակում է արդիականացնել իր ռազմավարական հարձակողական սպառազինությունը։ Ըստ նրա՝ ԱՄՆ-ի նոր Dark Eagle հրթիռները, որոնք նախատեսվում է տեղակայել Եվրոպայում, կարող են Կենտրոնական Ռուսաստան հասնել ընդամենը վեց-յոթ րոպեում։

Անվտանգության խորհրդի քարտուղար Նիկոլայ Պատրուշևը, իր հերթին, դիմել է նախագահ Վլադիմիր Պուտինին՝ հատուկ ծառայություններին որոշ ժամանակ տրամադրելու խնդրանքով, որպեսզի դրանք գնահատեն ԱՄՆ-ի՝ միջուկային փորձարկումներ իրականացնելու հնարավոր մտադրությունները և դրանց հետևանքները։