Ադրբեջանը կշարունակի ջանքերը՝ խաղաղության հասնելու համար․ Ալիև

Բրատիսլավայում տեղի էր ունեցել Ադրբեջանի նախագահ Իլհամ Ալիևի և Սլովակիայի վարչապետ Ռոբերտ Ֆիցոյի հանդիպումը։ Այս մասին հայտնում են ադրբեջանական լրատվամիջոցները։

Ռոբերտ Ֆիցոն շնորհավորել է նախագահ Իլհամ Ալիևին Ադրբեջանի և Հայաստանի միջև խաղաղության օրակարգի առաջխաղացման գործում ունեցած նվաճումների համար։

Իլհամ Ալիևն իր հերթին հավելել է, որ «Ադրբեջանը կշարունակի ջանքերը՝ տարածաշրջանային խաղաղությունն ապահովելու համար»։

Նշվում է, որ Ադրբեջանի նախագահի ներկայիս պաշտոնական այցը Սլովակիա զգալիորեն կնպաստի երկկողմ հարաբերությունների ընդլայնմանը։