Գնել եմ շուկայական արժեքին համապատասխան․ Կոնջորյանը՝ առանձնատուն գնելու մասին

ՔՊ խմբակցության ղեկավար Հայկ Կոնջորյանը անդրադարձել է Hetq.am-ի հոդվածին, որը վերաբերում է Կոնջորյանի՝ շուկայականից էական ցածր գնով առանձնատուն գնելուն` Կոտայքի մարզի Առինջ գյուղում:

«Զանգել են կառուցապատող ընկերություն, հարցրել այս պահին տան շուկայական գինը, հետո այդ գինը տարածել են մեկուկես տարի առաջ գնած իմ տան վրա և ստացել աստղաբաշխական թիվ: Կոծկել են հենց կառուցապատող ընկերության ֆեյսբուքյան էջում դրված շուկայական արժեքների էական նվազ թվերը, որոնք առաջարկվել են բոլոր գնորդներին: Բոլորը գիտեն, որ կառուցապատման ընթացքում անշարժ գույքի արժեքը շատ ավելի ցածր է, քան կառուցման ավարտից հետո:

Անշարժ գույքը գնել եմ շուկայական արժեքին համապատասխան, հիպոտեկային վարկով` 20 տարով, Առինջ գյուղում»,-գրել է նա։