Կանխատեսվում է դժվարին տարի Զելենսկու համար. The Guardian

Ուկրաինայի նախագահ Վլադիմիր Զելենսկին 2026 թվականին կարող է բախվել լուրջ քաղաքական և սոցիալական դժվարությունների: Այս մասին գրում է բրիտանական The Guardian պարբերականը։

Հոդվածում նշվում է, որ ուկրաինացիները հերթական ձմեռն են անցկացնում էլեկտրաէներգիայի անջատումների պայմաններում, ինչը խորացնում է հոգնածության և սպառվածության զգացումը հասարակության մեջ։ Պարբերականի գնահատմամբ՝ երկրում աճում է այն ընկալումը, որ մոտ ապագայում Ուկրաինային անհրաժեշտ է որոշակի դադար՝ ներքին և արտաքին ճնշումները մեղմելու համար։

«Ուկրաինան զգում է ուժերի սպառում»,- ընդգծում է պարբերականը՝ հավելելով, որ երկարատև ճգնաժամը ծանր ազդեցություն է թողնում ինչպես տնտեսության, այնպես էլ հասարակական տրամադրությունների վրա։