Իրանցիների բողոքի ակցիան Երևանում. կան բերման ենթարկվածներ. «Ազատություն»

Այսօր Երևանում Իրանի Իսլամական Հանրապետության դեսպանատան մոտ կրկին բողոքի ակցիա է իրականացվել։ Ինչպես հայտնում է «Ազատություն»-ը, իրավիճակը լարվել է այն բանից հետո, երբ մասնակիցները փորձել են երթով շարժվել դեպի Կապույտ մզկիթ։

Տարածքում ծառայություն իրականացնող մեծաթիվ ոստիկանական ուժերը արգելել են երթի անցկացումը։ Չնայած ցուցարարների հավաստիացումներին, որ ակցիան կրելու է խաղաղ բնույթ և իրենք քայլելու են բացառապես մայթերով՝ առանց երթևեկությունը խաթարելու, իրավապահները թույլ չեն տվել առաջանալ։

Երթ իրականացնելու փորձի ընթացքում ոստիկանությունը բերման է ենթարկել ակցիայի մի քանի մասնակիցների։ Այս պահին դեսպանատան հարակից տարածքը շարունակում է մնալ հսկողության տակ։