Նրանք հավանաբար նեղված են, որ իրենց համար ոչինչ չի ստացվում․ Լավրով

Ռուսաստանի արտգործնախարար Սերգեյ Լավրովը հայտարարել է, որ միջուկային զենքի շուրջ հնչող հայտարարությունների ակտիվացումը պայմանավորված է Ռուսաստանի պարտությունը կանխատեսած կողմերի հիասթափությամբ։ Նրա խոսքով՝ նման հռետորաբանությունը բխում է չիրականացած սպասումներից։ Այս մասին տեղեկանում ենք «Ռիա Նովոստի»-ից։

«Նրանք հավանաբար նեղված են, որ իրենց համար ոչինչ չի ստացվում։ Ես այդպես եմ կարծում։ Եվ նպատակը կրկին Ռուսաստանի պարտությունն է։ Նրանք ասում են, որ Ուկրաինան հաղթում է», - ասել է Լավրովը՝ պատասխանելով լրագրողների հարցերին, թե ինչու է սրվել միջուկային զենքի շուրջ բանակցությունների հռետորաբանությունը։

Խոսելով այսպես կոչված «կամավորների կոալիցիայի» մասին՝ Լավրովը նշել է, որ դրա ներկայացուցիչները, ըստ էության, փորձում են իրենց ցանկալի արդյունքները ներկայացնել որպես իրական իրավիճակ։