Լավրովը՝ հայ-ռուսական հարաբերությունների մասին

Ռուսաստանի արտգործնախարար Սերգեյ Լավրովը հայտարարել է, որ հայկական կողմը ըմբռնումով է մոտեցել ՌԴ նախագահ Վլադիմիր Պուտինի կողմից հնչեցված մտահոգություններին։ Այդ մասին նա նշել է լրագրող Պավել Զարուբինի հետ զրույցում։

Լավրովի խոսքով՝ նշված հարցերը քննարկվել են Վլադիմիր Պուտինի և Հայաստանի վարչապետ Նիկոլ Փաշինյանի հանդիպման ընթացքում։ Նա ընդգծել է, որ հայկական կողմը արձագանքել է ռուսական կողմի ներկայացրած դիրքորոշմանը։

Ռուսաստանի արտգործնախարարը հավելել է, որ հետագա զարգացումները կախված են լինելու այն բանից, թե ինչպես կզարգանան երկկողմ հարաբերությունները գործնական մակարդակում։

Նրա խոսքով՝ առաջիկա փուլում կողմերը կգնահատեն հարաբերությունների ընթացքը՝ հաշվի առնելով արդեն կայացված որոշումները։