Նրան պաշտպանելու եմ վատ բաներից. Փալյանը հանդիպել է կրոնափոխ եղած հայ տղային

Թուրքիայի խորհրդարանի հայ պատգամավոր Կարո Փայլանը հանդիպել է նախորդ շաբաթ ուղիղ եթերով կրոնափոխ եղած հայ երեխայիմ։ Այս առիթով Փայլանը Twitter-ի իր էջում գրել է․ «Արթուրի հետ հանդիպեցի։ Նա բավականին լավ է։ Միշտ նրա կողքին եմ լինելու։ Հարկ եղած ժամանակ նրան պաշտպանելու եմ վատ բաներից»։ Հիշեցնենք, որ օրեր առաջ թուրք կրոնականներից մեկը ուղիղ եթերով այսպես ասած կրոնափոխ էր արել 13-ամյա հայ տղային։ Այս դեպքը մեծ արձագանք գտավ, քանի որ տղան առանց ծնողների համաձայնության էր եղել սրահում, իսկ հաղորդավարը օգտվել էր երեխայի անչափահաս լինելու հանգամանքից եւ շոու սարքել։