Ավելի շուտ Հրայր Թովմասյանը պետք է հրաժարական տար, քան Գագիկ Հարությունյանը. Սիմոնյան

Ես կարծում եմ՝ ավելի շուտ հրաժարական պետք է տար սահմանադրական դատարանի նախագահ Հրայր Թովմասյանը, քան ԲԴԽ նախագահ Գագիկ Հարությունյանը։ Այս մասին լրագրողների հետ զրույցում ասաց ԱԺ փոխնախագահ Ալեն Սիմոնյանը։ «Հրայր Թովմասյանը քաղաքական միավոր է։ Նրա ընտրությունը ՍԴ նախագահի պաշտոնում մեծ հարցեր է առաջացնում տարբեր իրավաբանների մոտ, նա վստահություն չի ներշնչում հանրության մոտ, քանի որ եղել է ՀՀԿ անդամ, որին ՀՀ քաղաքացիները մերժվել են, հեղինակել է շատ վիճահարույց եւ քննադատված օրենքներ՝ Սահմանադրությունը եւ Ընտրական օրենսգիրքն է»։ Ալեն Սիմոնյանի համար ակնհայտ է, որ եթե Հրայր Թովմասյանն է ՍԴ նախագահ, ՍԴ–ն անկախ չէ. «Կարծում եմ՝ նա այնտեղ ներկայացնում է ոչ թե ՀՀ Սահմանադրությունը, այլ ՀՀԿ ժառանգությունն է հանդիսանում։ ես երբեք չեմ հասկացել քաղաքական գործիչներին, որոնք մնում են քաղաքական թիմի հեռանալուց հետո»: