Կիևում ճաքել է նորաբաց, ապակե կամուրջը

Կիևում երեկ բացված ապակե կամուրջը ճաքել է։ Այս առիթով Կիևի քաղաքապետ Վիտալի Կլիչկոն ֆեյսբուքյան իր էջում գրել է, որ շատ զայրացած է, կատարվածը վանդալիզմ է անվանել։ Կլիչկոն նշել է, որ կամուրջը կարող էին վնասել կրակոցով և հավելել է, որ արդեն դիմել է իրավապահ մարմիններին։ «Ասել, թե ես զայրացած և անհանգստացած եմ՝ նշանակում է ոչինչ չասել»,- ասել է Կլիչկոն։ Նա նաև հավելել է, որ Կիևում շատ են մարդիկ, որոնք չեն ցանկանում դրական փոփոխություններ։