Փելոսին անարգեց ամբողջ արարողությունը. ԱՄՆ փոխնախագահի կարծիքը

Ներկայացուցիչների պալատի խոսնակ Նենսի Փելոսին խայտառակեց ԱՄՆ նախագահ Դոնալդ Թրամփի ելույթը Կոնգրեսում` ցուցադրաբար պատռելով նախագահի ելույթի տեքստը: Չորեքշաբթի օրը Fox News-ին տված հարցազրույցում նման կարծիք է հայտնել է  ԱՄՆ փոխնախագահ Մայքլ Փենսը:

«Միշտ պետք է պահպանել պարկեշտությունը և հարգանք ցուցաբերել: Բայց այն փաստը, որ Փելոսին ոտքի կանգնեց և պատռեց ելույթի տեքստը, անարգում է ամբողջ արարողությունը: Կարծում եմ, որ դա Կոնգրեսի երկու պալատների համատեղ ժողովի համար նվաստացուցիչ էր ու այդպես էլ կմնա հիշողության մեջ»:

Հիշեցնենք, որ Դոնալդ Թրամփը ելույթի սկզբում հրաժարվեց Նենսի Փելոսիի հետ ձեռքսեղմումից, ինչին ի պատասխան Փելոսին ելութի վերջում ցուցադրական պատռեց Թրամփի ելույթի տեքստը: