Կապանի ԲԿ-ն հերքում է, որ հիվանդանոցում կորոնավիրուսով վարակված հիվանդներ են մեկուսացվել

Տարածված լուրերը, թե Կապանի ԲԿ֊ում կորոնավիրուսով հիվանդներ են մեկուսացրել, չի համապատասխանում իրականությանը։ Այդ մասին հայտարարություն է տարածել Կապան ԲԿ-ն։

«Համացանցում տարածված կեղծ լուրերը՝  իբր Կապանի ԲԿ֊ում կորոնավիրուսով հիվանդներ են մեկուսացրել, չի համապատասխանում իրականությանը։

Պաշտոնապես հայտնում ենք, որ առ այսօր ոչ մի նման կասկածելի հիվանդ մեզ չի դիմել, չի հոսպիտալացվել և առավել ևս չի մեկուսացվել։

Խնդրում ենք խուճապի չմատնվել և հետևել միայն պաշտոնական լրահոսին»,-նշվում է հաղորդագրությունում։