Կորոնավիրուսը պանդեմիայի վերածվելու հեռանկար ունի. ԱՀԿ

Չինաստանում և մի շարք այլ երկրներում գրանցված նոր կորոնավիրուսով առաջացած հիվանդության բռնկումը պանդեմիայի (աշխարհավարակ) վերածվելու պոտենցիալ ունի, սակայն այս պահին դա դեռ պանդեմիայի չի վերածվել: Այս մասին երկուշաբթի օրը Ժնևում կայացած ճեպազրույցում հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրեյեսուսը:

«Պանդեմիա սահմանումն օգտագործելը ճիշտ չէ, քանի որ խոսքը աշխարհի տարբեր մասերում տարածվող համաճարակի մասին է, սակայն այդ համաճարակը պանդեմիայի վերածվելու հեռանկար ունի»,-ասել է նա: Այնուամենայնիվ, ԱՀԿ ղեկավարը շեշտել է, որ կորոնավիրուստը «պանդեմիայի վերածվելու հեռանկար ունի»: