Հայ թենիսիստները ևս մեկնել են առաջնագիծ. Երևանում նախատեսված թենիսի միջազգային մրցաշարը հետաձգվել է

Հայաստանի առաջատար թենիսիստները նույնպես մեկնել են առաջնագիծ: Այս մասին ArmSport.am-ը տեղեկացել է Հայաստանի թենիսի ֆեդերացիայից:

«Առաջնագիծ են մեկնել ոչ միայն թենիսիստները, այլ նաև մրցավարական անձնակազմի ներկայացուցիչները:  Մեկնողների թվում է նաև Հայաստանի 2-րդ ռակետ Աշոտ Գևորգյանը, որն առաջին օրվանից առաջնագծում է: Արցախում է նաև ապրիլյան քառoրյայի մասնակից Հրանտ Սարկիսովը»,-տեղեկացանք  Հայաստանի թենիսի ֆեդերացիայից:

Նշենք, որ  տարվա օրացուցային պլանով նախատեսված՝ Երևանում այսօր մեկնարկելու էր թենիսի ITF մինչև 18 տարեկանների միջազգային մրցաշարը, որը հետաձգվել է անորոշ ժամանակով: