Իրանում ՀՀ դեսպանն ու էներգետիկայի նախարարը քննարկել են գազի և էներգետիկայի ոլորտի համատեղ ծրագրերը

Իրանում ՀՀ արտակարգ և լիազոր դեսպան Արտաշես Թումանյանը հանդիպել է  ԻԻՀ էներգետիկայի նախարար և Հայաստան-Իրան միջկառավարական համատեղ հանձնաժողովի համանախագահ Ռեզա Արդաքանիանին:  

Իրանում ՀՀ դեսպանության ֆեյսբուքյան էջից տեղեկանում ենք, որ նախօրեին հանդիպման ընթացքում քննարկվել է Հայաստան-Իրան միջկառավարական համատեղ հանձնաժողովի կողմից ընդունված ծրագրերի և միջոցառումների կատարման ընթացքը: Մասնավորապես, անդրադարձ է եղել գազի և էներգետիկայի ոլորտի համատեղ ծրագրերի իրականացմանը և մինչ 2020 թ. ավարտը կողմերի առաջիկա անելիքներին: