Եվրասիական միջկառավարական խորհրդի նիստը կկայանա հեռահար եղանակով. Փաշինյանը հեռախոսազրույց է ունեցել Միշուստինի հետ

Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության կառավարության նախագահ Միխայիլ Միշուստինի հետ՝ վերջինիս նախաձեռնությամբ:

Պարոն Միշուստինը տեղեկացրել է, որ ելնելով համաճարակային իրավիճակից՝ դիմել է Եվրասիական տնտեսական հանձնաժողովին, որպեսզի Եվրասիական միջկառավարական խորհրդի հերթական նիստը, որը դեկտեմբերի 4-ին պետք է

կայանար Մոսկվայում, իրականացվի հեռահար եղանակով:

Զրուցակիցները քննարկել են նաև հայ-ռուսական դաշնակցային հարաբերությունների օրակարգին վերաբերող մի շարք հարցեր: