Ապատեղեկատվություն է. ԱԳՆ-ից՝ պատերազմի նախօրեին և դրա ընթացքում 110 անձի դիվանագիտական անձնագիր տրամադրելու լուրերի մասին

Քիչ առաջ Mediaport թելեգրամի ալիքը տեղեկություն տարածեց, որում մասնավորապես ասվում էր. «Հայաստանի ԱԳՆ-ն պատերազմի նախօրեին և դրա ընթացքում 110 անձի դիվանագիտական անձնագիր է տրամադրել. այդ անձանց անունները գաղտի են պահվում: Բացի այդ, նոյեմբերի 10-ից հետո պաշտոնանկ եղած նախարարները չեն հանձնել իրենց դիվանագիտական անձնագրերը: Այս ամենն ուշագրավ է այն տեղեկությունների ֆոնին, որ Նիկոլ Փաշինյանի թիմակիցները երկրում աճող հակաիշխանական տրամադրությունների ֆոնին Հայաստանից փախչելու և եվրոպական երկրներում ապաստան գտնելու տարբերակներ են փնտրում»:

Auroranews- ի հետ զրույցում ԱԳՆ մամուլի խոսնակ Աննա Նաղդալյանը նշեց, որ լուրը չի համապատասխանում իրականությանը: