Լավրովն ու Չավուշօղլուն այսօր Սոչիում բանակցություններ կանցկացնեն

Ռուսաստանի Դաշնության արտգործնախարար Սերգեյ Լավրովն այսօր Սոչիում հանդիպում կունենա իր թուրք պաշտոնակցի՝ Մևլյութ Չավուշօղլուի հետ, հայտնում է TASS-ը։

Երկու երկրների արտաքին քաղաքական գերատեսչությունների ղեկավարները կմասնակցեն Ռազմավարական պլանավորման համատեղ խմբի 8-րդ նիստին։ Նախատեսված է քննարկել երկկողմ համագործակցության ակտուալ հարցերն ու տարածաշրջանային խնդիրները։

Ինչպես սպասվում է, Լավրովն ու Չավուշօղլուն առանձնահատուկ ուշադրություն կդարձնեն ԼՂ հարցին, մասնավորապես եռակողմ հայտարարության կատարմանը, մարդասիրական օգնության տրամադրմանն ու կրակի դադարեցման վերահսկման համատեղ կենտրոնի աշխատանքի գործնական հարցերին։ Արդյունքում կստորագրվի 2021-22 թթ խորհրդատվական պլան։