Մանկապարտեզներում մեղմացումներ կլինեն. Հակոբ Կարապետյան

Քաղաքապետարանը ոչ միայն տեղյակ է այս խնդրին, այլ նաև քայլեր է ձեռնարկում մանկապարտեզներում հավելյալ տեղեր, խմբեր ավելացնելու համար։ Այս մասին այսօր լրագրողների հետ զրույցում անդրադառնալով մանկապարտեզներում ընդունելություն կազմակերպելու մասին ծնողների պահանջին՝ ասաց Երևանի քաղաքապետի մամուլի խոսնակ Հակոբ Կարապետյանը։ 

Կարապետյանը նշեց, որ մեղմացումներ այնուամենայնիվ կլինեն. «Հիմա քննարկվում են և մենք, երբ ավելի հստակություն կունենանք, ասուլիս կհրավիրենք։ Երբ քննարկումները ինչ որ հանգրվանի հասնեն և մենք կարողանանք ինչ որ հստակ տեղեկատվություն տալ այս առումով, տեղեկատվությունը կհայտնենք և հանրության համար պարզ կլինի»։