Շիրակի մարզի հողօգտագործողները բացել են ճանապարհը՝ պայմանով

Մի քանի ժամ Երևան-Գյումրի մայրուղու Ազատան-Բենիամին հատվածը փակ պահելուց հետո Շիրակի մարզի բնակիչները երեկոյան բացել են ճանապարհը` տրված խոստումներից ու հորդորներից հետո։

Գյուղացիներին խոստացել են, որ վաղը կամ մյուս օրը Ջրային տնտեսության պետական կոմիտեի նախագահն անձամբ կայցելի Շիրակի մարզ:

Ճանապարհը բացելու հորդորներով հողօգտագործողների հետ բանակցել են Շիրակի մարզային ոստիկանության ներկայացուցիչները, վերջիններս համաձայնել են բացել ճանապարհը պայմանով, որ ՋՕ պետական կոմիտեի նախագահի հետ հանդիպում կունենան վաղը։ Մեր թղթակցի հետ զրույցում Ազատան համայնքի ղեկավարը հայտնել է, որ պայմանավորվածություն արդեն ունեն։