BMW-ի վարորդը վրաերթի է ենթարկել 2 հետիոտնի, ապա բախվել մեկ այլ ավտոմեքենայի

Երեկ՝ սեպտեմբերի 18-ին, վրաերթ-ավտովթար է տեղի ունեցել Երևանում:   Ժամը 17:00-ի սահմաններում, Երևանի բնակիչ, 30-ամյա Եղիշե Թ.-ն, իր վարած BMW մակնիշի ավտոմեքենայով, Սեբաստիա փողոցի թիվ 141/3 հասցեի դիմաց, վրաերթի է ենթարկել հետիոտներ, Երևանի բնակիչներ, 43-ամյա Օվսաննա Դ.-ին և 45-ամյա Արտակ Մ.-ին:   Ինչպես հայտնում է shamshyan.com-ը, վրաերթի ենթարկվածները մարմնական վնասվածքներով տեղափոխվել են «Աստղիկ» բժշկական կենտրոն:   Վրաերթից հետո Եղիշե Թ.-ն բախվել է Արարատի մարզի բնակիչ, 38-ամյա Մհեր Խ.-ի վարած BMW մակնիշի ավտոմեքենային:   Փաստի առթիվ Հ. Սարգսյանի կողմից նյութեր են նախապատրաստվում: