Կապան-Քաջարան ավտոճանապարհին ավտոմեքենան գլորվել է ձորը․ ԱԻՆ

Սեպտեմբերի 22-ին, ժամը 10:30-ին Սյունիքի մարզային ճգնաժամային կառավարման կենտրոն ահազանգ է ստացվել, որ Կապան-Քաջարան ավտոճանապարհին ավտոմեքենան ընկել է ձորը: Այս մասին հայտնում են ԱԻՆ-ի տեղեկատվական ծառայությունից:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Մեղրի ավտոճանապարհի Կապան-Քաջարան հատվածի մոտ 7-րդ կմ-ին «Toyota Rav4» մակնիշի ավտոմեքենան (վարորդ՝ Ռ․ Ա․, ծնված 1962 թ.) դուրս է եկել ճանապարհի երթևեկելի հատվածից և մոտ 100 մ գլորվել ձորը. վարորդը տեղում մահացել է:

Փրկարարները հոսանքազրկել են ավտոմեքենան, ձորից դուրս բերել վարորդի դին և մոտեցրել շտապօգնության ավտոմեքենային: