Բելգորոդի շրջանում գնդակոծությունից հետո վիրավորների թիվը հասել է վեցի

ՌԴ Բելգորոդի շրջանի Սոլոխի գյուղի գնդակոծության հետեւանքով վիրավորների թիվը հասել է վեցի։ 

Այս մասին հայտնել է շրջանի նահանգապետ Վյաչեսլավ Գլադկովը՝ հղում անելով տարածաշրջանի առողջապահության նախարարության տվյալներին։
 

«Վերջին տվյալները՝ շրջանի առողջապահության նախարարությունից՝ 6 վիրավոր, 1 զոհ»,- մանրամասնել է Գլադկովը։
 

Նահանգապետը հերքել է նաև 14-ամյա տղայի մահվան մասին լուրերը. «Դա ճիշտ չէ: Տղան ողջ է, գտնվում է մարզային հիվանդանոցում։ Նա ստանում է անհրաժեշտ բուժօգնություն»,- շեշտեց նա։