Սանկտ Պետերբուրգի լճակում կանացի ոտքեր են գտել

 Նախօրեին Սանկտ Պետերբուրգի ջրամբարից հանել են մարդու վերջույթներով պայուսակ, այս մասին հայտնի է դարձել հինգշաբթի՝ նոյեմբերի 3-ին, փոխանցում է vesti.ru-ն:

Մարդկային մնացորդները հայտնաբերել են «Экострой» ձեռնարկության աշխատակիցները, ովքեր մաքրում էին Կոլպինոյի շրջանի Իժորա լճակը։

Սարսափելի բացահայտումը կատարած բանվորներն այդ մասին հայտնել են իրավապահ մարմիններին, սպանության հոդվածով քրեական գործ է հարուցվել։

Հայտնի է, որ կանացի ոտքերի մասերը ջրի մեջ են եղել մոտ երկու շաբաթ: Որպեսզի պայուսակը ընկղմվի ջրի մեջ, անհայտ չարագործը վերջույթների հետ նաև ասֆալտի կտոր է դրել։ Քննչական կոմիտեից հայտնում են, որ կանացի ոտքերի մասերը ուղարկվել է դիահերձարան: ՔԿ-ն ենթադրում է, որ կինը մահացած է, որոնվում է կնոջ մարմնի մնացած մասերը: