Արմավիրում ողբերգական ավտովթարից մահացած աղջիկները ուսանողներ էին

 Արմավիրի մարզում երեկ՝ նոյեմբերի 3-ին, տեղի ունեցած ավտովթարից մահացած երկու աղջիկները՝ Նոյա Կարապետյանը եւ Մարի Խամիսյանը ուսանողներ էին: Գրում է «Հրապարակը»:

Հիշեցնենք` ԱԻՆ–ն ավելի վաղ հայտնել էր, որ այսօր Արմավիր-Մեծամոր ավտոճանապարհին ավտովթար է տեղի ունեցել, բախվել են Երևան-Արմավիր-Քարակերտ երթուղին սպասարկող «Գազել» մակնիշի միկրոավտոբուսը և «Զիլ» մակնիշի բեռնատարը:

Ըստ հաղորդագրության` 4 մահացածները 15, 18, 19 և 47 տարեկան քաղաքացիներ են։

Ավտովթարի հետևանքով տուժել է 7 քաղաքացի` Հ. Մ.–ն` ծնված 1996 թ.–ին, Գ․ Գ․–ն` ծնված 2002 թ.–ին, Խ․ Խ․–ն` ծնված 1999 թ.–ին, Ֆ․ Ռ․–ն` ծնված 2002թ.–ին, Պ․ Ե․–ն` ծնված 2003թ.–ին, Զ․ Լ.–ն` ծնված 2007 թ. –ին, Կ․ Ա․–ն` ծնված 2004թ.–ին։