Հրդեհ է բռնկվել Երևանի արագ սննդի կետերից մեկում. ինչ է հայտնի

ՀՀ ՆԳՆ փրկարար ծառայությունը հայտնում է, որ այսօր՝ ժամը 18։14-ին, Ճգնաժամային կառավարման ազգային կենտրոն ահազանգ է ստացվել, որ Երևանի Նալբանդյան փողոց շենքերից մեկի նկուղային հատվածում էլեկտրական լարեր են այրվում։

Նշվում է, որ հրդեհը բռնկվել է արագ սննդի կետի ծխատարում, իսկ դեպքի վայր մեկնել են ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

«Հրդեհը մեկուսացվել է ժամը 19։20-ին, մարվել՝ 19։33-ին։ Այրվել են կուտակված յուղի շերտը և խոհանոցի առաստաղի փայտե կառուցատարրերից մոտ 1․5 քմ հատված»,– ասվում է հաղորդագրության մեջ։