Եթե Քոչարյանը դառնա վարչապետի թեկնածու, մենք կսատարենք. Մամիջանյան

ԱԺ «Պատիվ ունեմ» խմբակցության ղեկավար Հայկ Մամիջանյանը վիճակագրություն ունի՝ ՀՀ ամեն 3-րդ քաղաքացին Նիկոլ Փաշինյանին համարում է դավաճան։

«Այդպիսի վարկանիշ ունեցող քաղաքական միավորի ներկայացուցիչները լավ կլինի՝ սուս մնան։

Եթե պարոն Սինոնյանը հպարտանում է այս կամ այն սոցիոլոգիական հարցումներով, այդ նույն հարցումներով իր վարկանիշը, եթե չեմ սխալվում, Վարդան Ղուկասյանի վարկանիշի կողմերն է, թող շարունակի դրանով հպարտանալ»,- ասել է նա:

Հիշեցնենք՝ Ալեն Սիմոնյանը երեկ հայտարարել է՝ եթե այս ուրբաթ ընտրություններ լինեն, ՔՊ-ն էլի հաղթելու է, իսկ 2026-ին ավելի շատ տոկոսով է հաղթելու։

Մամիջանյանը նաև նշել է, որ եթե Ռոբերտ Քոչարյանը դառնա վարչապետի թեկնածու, նրանք կսատարեն:

Անդրադառնալով պնդմանը, թե Էդգար Ղազարյանն ու Նարեկ Մալյանն ուղղորդվում են Սերժ Սարգսյանի կողմից, Մամիջանյանն արձագանքեց.

«Ում ուզում է լինի, Հանրապետականը երբ ասելիք է ունենում, ասում է ուղիղ ու պատասխանատվություն է կրում ասելիքի համար։ Մենք երբեք միջնորդավորված ոչ մեկի հետ չենք խոսել՝ ի տարբերություն որոշ ուժերի, որ 7 տարի շարունակ ֆինանսավորել են այս կամ այն պադվալներից, տարբեր գրասենյակներից վարձու գործիչների։ Չնայած՝ գործիչների չէ, գործիքների, Հանրապետականի դեմ»,- նշել է նա։

Պատգամավորի խոսքով՝ այդ արշավը վարողների զգալի մասը ներկայանում է որպես Ռոբերտ Քոչարյանի աջակից.

«Այդ արշավը ՀՀԿ-ի ու Սերժ Սարգսյանի դեմ 7 տարի վարող մարդկանց զգալի մասը ներկայանում է որպես Ռոբերտ Քոչարյանի աջակից»։