Իսրայելը և ԱՄՆ-ն հարվածել են Իրանի գազային ենթակառուցվածքներին. Fars
Իրանի կենտրոնական և հարավ-արևմտյան հատվածներում վնասվել են գազային ենթակառուցվածքների մի շարք օբյեկտներ։ Այդ մասին հայտնել է իրանական Fars գործակալությունը՝ նշելով, որ հարվածների թիրախում են հայտնվել Սպահանում գտնվող գազաբաշխիչ կայանի շենքը և Խորրամշահր քաղաքում էլեկտրակայան տանող գազատարը։
Գործակալության փոխանցմամբ՝ Խորրամշահրը, որը գտնվում է Իրաքի սահմանին, ենթարկվել է հարվածի այն հատվածում, որտեղով անցնում է էլեկտրակայանին մատակարարում իրականացնող խողովակաշարը։ Նշվում է, որ վնասներ են արձանագրվել ոչ միայն ենթակառուցվածքներում, այլև մերձակա բնակելի տներում։
Խորրամշահրի նահանգապետի տեղեկություններով՝ արկը ընկել է լիցքավորման գծի տարածքում։ Նրա խոսքով՝ զոհեր չկան։ Սպահանի դեպքի առնչությամբ վիրավորների մասին տվյալներ այս պահին ևս չեն հրապարակվել։
Հաղորդագրությունում նշվում է, որ հարվածները վերագրվում են ԱՄՆ-ին և Իսրայելին։ Միևնույն ժամանակ, հրապարակված տեղեկությունները ներկայացվում են իրանական աղբյուրների հղումով, իսկ լրացուցիչ անկախ հաստատում դրանց վերաբերյալ դեռևս չի հաղորդվել։
Նմանատիպ հոդվածներ
Առուշ Առուշանյանը` Իրինա Յոլյանի պաշտոնից ազատման մասին
Պատրաստում են նոր՝ սեպտեմբերյան պատերազմ՝ ծանր հետևանքներով․ Փաշինյանը՝ ընդդիմադիրներին
Թրամփի հայտարարությունից հետո նավթի գները կտրուկ նվազում են
Իսպանիայի վարչապետի լուսանկարը՝ իրանական հրթիռի վրա
Ավելին Քաղաքականություն բաժնից
Պատերազմ և խաղաղություն. քաղաքական դաշտում կա երկու օրակարգ. Ալեն Սիմոնյան
Լուրերը մեկ տողով. Իրանի հզորությունը թվերով. հորմուզի շուրջ լուրերը հերքվում են. Եվրոպան լուռ խաղացող է. պատերազմի գինը
Լուրերը մեկ տողով. Կեղծ լուրից մինչև աշխատավարձերի աճ. 2100 երեխա՝ պատերազմի զոհ. պայթյուն ԱՄՆ-ում
