Լայնածավալ հարձակում՝ Իսրայելի տարբեր քաղաքներում․ ԻՀՊԿ-ն հայտարարություն է տարածել

Իրանի Իսլամական հեղափոխության պահապանների կորպուսը հայտնել է Իսրայելի տարբեր քաղաքներում և Մերձավոր Արևելքում գտնվող ԱՄՆ ռազմական օբյեկտների վրա հարվածների մասին։ Տեղեկությունը հրապարակվել է Իրանի պետական հեռարձակողի միջոցով։

Հայտարարության համաձայն՝ գործողության ընթացքում թիրախավորվել են Իսրայելի մի շարք քաղաքներ, այդ թվում՝ Էյլաթը, Դիմոնան և Թել Ավիվի հյուսիսային հատվածը։ Նշվում է, որ հարվածները եղել են «ճշգրիտ»։

Հաղորդագրությունում նաև նշվում է, որ հարվածների շրջանակում թիրախ են դարձել տարածաշրջանում տեղակայված ամերիկյան որոշ ռազմական բազաներ։ Սակայն կոնկրետ վայրերի և վնասների մասին մանրամասներ չեն ներկայացվել։