Աղմկահարույց սպանություն, որը 25 տարի քնեցրել են, ինչ կապ ունի Մանվել Գրիգորյանը․ Hraparak

1994 թ. ապրիլի 16-ին Էջմիածնում տեղի ունեցած աղմկահարույց սպանության գործը կարծես մեռյալ կետից շարժվում է: 25 տարի առաջ Մանվել Գրիգորյանին պատկանող Ակնալճի ամառանոցում հրազենի կրակոցից զոհվեց Էջմիածնի «Տոչպրիբոր» գործարանի տնօրեն Մհեր Պողոսյանը: Այս մասին հայտնում է Hraparak. am-ը։ Մհեր Պողոսյանն Էջմիածնի երևելի ընտանիքներից մեկի զավակն էր: Հայրը՝ Վլադիմիր Պողոսյանը, Էջմիածնի շրջկոմի երկրորդ քարտուղարն էր, մայրը՝ Նունե Ավագյանը, ծննդատան տնօրենը: Թեև Գրիգորյաններն այդ ժամանակ մեծ ջանքեր գործադրեցին սպանության իրական հանգամանքներն ու մարդասպանին կոծկելու համար, բայց «ասեղը պարկում երկար թաքցնել» չկարողացան: Սպանությունից ժամեր անց քաղաքը խոսում էր, որ մարդասպանը Մանվել Գրիգորյանի եղբորորդի Հրանտ Գրիգորյանն է: Պարզվելու էր, որ սպանության մասին իմացել և լռել են նաև ՀՀ պաշտպանության նախարարությունում: Ավելին, նախարարի տեղակալ Աստվածատուր Պետրոսյանն անգամ կեղծ փաստաթուղթ է տվել այն մասին, թե, իբր, Մհեր Պողոսյանը զոհվել է ծառայական պարտականությունները կատարելիս: Սպանվածի որդին՝ Ռուսաստանում բնակվող Էդուարդ Պողոսյանը, ով հեղափոխությունից հետո պայքար է սկսել արդարությունը վերականգնելու և հոր սպանությունը բացահայտելու համար, բաց նամակով դիմել է վարչապետին, ԱԱԾ տնօրենին, գլխավոր դատախազին ու ոստիկանապետին։ Գործին ընթացք է տրվել։ Մանրամասները՝ սկզբնաղբյուր կայքում։